Eloge du con

O con gentil, con mignon, con joly,

Con rondelet, con net, con bien poly,

Con ombragé d'un petit poil folet,

Con où il n'y a rien de difforme ou laid,

Con, petit con, dont la bouche vermeille

A fait dresser à main grand vit l'oreille ;

Con que l'on doit, plus qu'un saint, tenir cher,

Quand ainsi faict ressusciter la chair.

O con, qui peult à ta louange tendre ?

Où est l'engin qui te puisse comprendre ?

Con est d'amour le trésor et domaine,

Con, la forge de quoi nature humaine

Faict ses divins et excellents ouvrages,

Con est de mort séparant les dommages ;

Con est la fin dont l'amour se couronne,

Con est le prix dont l'amour se guerdonne,

Somme, le con, quand tout est bien compris

Sur le surplus doit emporter le prix.

Il est bien vrai que l'?il l'amour attire,

Mais le con est l'amour qui se désire.

Or de la bouche elle a bien bonne grâce

Et croy pour vray que la première place

Doit obtenir au service du con,

Car trop mieux qu'autre elle sçait la leçon

Pour refuser ou accorder l'entrée

De l'amoureuse et plaisante contrée;

Touchant la main elle est propre et aducite

Pour con servir de loyale conduite,

Estre près de luy, et prompt à ses affaires

Les plus secrets et les plus nécessaires.

De ce tétin il n'en faut point mentir,

Je ne sçay quoi à qui le c?ur sentir,

Prochain parent et de nature mesme

De ce con cy, qui est cher comme cresme,

Quand au regard de sa cuisse, bien faicte,

Blanche, élevée, ronde, dur et refaicte,

C'est le beau lit où le con se repose,

Ce con plaisant, ce con tant digne chose,

Que je puis dire, et sans imputer vice

Au résidu, tout faict pour son service :

-         " Doncques ce corps entier au départy,

-         Je prends le con pour le meilleur party. "